Search

狗狗見狗就吠,可以點?

有好多人都問,如果狗狗一見其他狗就係咁吠唔停可以點做?今日就同大家講下呢個問題。 首先,我地要了解狗狗吠另一隻狗係咩原因。較普遍既係想過去玩,但主人拉住條狗帶,狗狗行唔到過去而吠。另一個情況係狗狗好唔鍾意見到其他狗或某一啲狗,所以成日吠。 好多狗主都想知狗狗吠到失控既時候可以點樣停止佢,但其實所有訓練既重點反而係點樣製造一個有利既環境俾狗狗練習,而唔係當正在發生時點樣去停止。 片段中既貴婦狗好鍾意吠其他狗,以前無論主人拎啲咩野出黎引番佢注意力番黎都無用,因為狗狗只係好專心咁吠。教狗狗,需要考慮到好多唔用層面既野,正向訓練唔係指一味靠野食就可以。 準備: 狗帶 另一隻冷靜既狗 狗狗最愛既獎勵,可以係玩具或食物 做法: 自己既狗狗要帶上狗帶,目的唔係要用來拉狗或糾正牠,而係避免自己控制唔到既時候狗狗會跑到另一隻狗既位置而做成危險。(安全最重要) 兩隻狗之間保持適當距離 當狗狗一見到另一隻狗,立即說good boy/good girl,並獎勵牠保持冷靜的行為。(剛開始訓練,建議現場只有一隻狗) 不停重複此練習。(喺狗狗未能完全掌握既時候,唔好刻意行近其他狗) 漸漸狗狗便會將其他狗既出現,同獎勵連在一起。 呢個方法係來自諾貝爾得獎者Ivan Pavlov既古典制約(classical conditioning),即係一種關聯性學習。當兩件事物經常同時出現時,大腦對其中一件事物的記憶會附帶另外一件事物。 狗帶 = 去街 = 開心 (因此我鍾意狗帶) 零食膠袋聲音 = 食野 = 開心 (因此我鍾意膠袋聲音) 每隻狗狗既性格和吠既原因都會有分別,呢個只係其中一個方法。對症下藥都很重要呀! 要

小孩與狗 - 續

繼之前吠小朋友呢個問題,如果狗狗吠既係家中自己既小朋友,最好既方法係教導小朋友要點樣同狗狗打招呼,呢度有三招 較高大的小朋友可蹲低,同狗狗視線水平差不多 等狗狗主動行近 摸牠的下巴或胸前位置 *如果狗狗對小朋友未有太大信心,唔願意行近,教小朋友唔好迫狗狗做佢唔鍾意既事。 有時。。。人好鍾意改變狗狗去迎合自己,但係有時候我地都可以改變少少,令事情變得簡單,同時小朋友亦可以由細了解到要尊重人地既意願。就好似有啲小朋友好想同狗狗selfie一樣,明明狗狗想走,小朋友係都要捉實佢影相一樣,有時意外就係咁樣發生。 要改變狗狗,先改變自己!

小孩與狗

唔知大家有無發現好多狗狗對小朋友特別有反應,尤其係識行識走,鍾意一路跑一路叫果啲。好多狗狗一見到呢類型既小朋友就會即刻吠唔停,跟住個小朋友有機會俾狗狗嚇親,然後喊,好彩既話對方既媽媽就會望一望你,唔好彩既話就會俾人鬧,俾人叫你「睇住隻狗啦!」。 其實主人心諗:而家係你個小朋友亂跑亂叫,我隻狗狗俾佢嚇親先吠佢兩下咋~平時佢不知幾乖呀! 好多時候無論邊一方既問題,好多人都會覺得係狗狗唔岩。狗咬到人,一定係狗狗唔岩,但無人了解過果個人之前對狗狗做過啲咩。同狗狗吠人一樣,永遠係狗狗唔岩,不過我地都唔好去理究竟係邊個既問題喇~幫狗狗解決呢個行為對狗狗自己都有好處,等佢唔洗次次見到小朋友都咁激動嘛! 首先要分辨左狗狗吠小朋友只係想同佢玩?定係俾佢嚇親?今次我地講下普遍怕小朋友既狗狗,點解會有咁多狗都唔係咁鍾意小朋友呢?有機會係因為小朋友既動作比大人快和突然,加上喜歡叫喊,好多狗狗都未必習慣。 身為主人既我地又可以做咩呢? 材料: 一個比較冷靜既小朋友 狗狗最愛既零食或玩具 做法: 小朋友站在較遠的距離並慢慢動 主人同狗狗企另一邊 如狗狗無吠,獎勵佢呢個行為 隨後一步一步行近小朋友 同時獎勵無吠既狗狗 如果狗狗喺呢個情況下可以控制自己 小朋友可以加快動作,並重複由step 1開始 教狗狗係好需要耐性,慢慢一小步一小步地做,唔好心急。 要改變狗狗,先改變自己!

Follow Us
  • Facebook Social Icon
  • YouTube Social  Icon
  • Instagram Social Icon
© 2016 by Dogniversity